12-р сарын 23-ны өдөр Монгол улсын Увс аймгийн Засаг дарга Д.Батсайхан аймгийн шилдэг 1000 хүүхдийн харшийн сүлд модны наадмын үеэр NEAR-ын Ерөнхий нарийн бичгийн даргыг төлөөлөн “NEAR-ын Хүүхэд, сурагчдын гар зураг, постерийн 7-р уралдаан”-ын дэд байр болон шагналт байрын сурагчдын шагнал, бэлэг дурсгалын зүйлсийг гардууллаа.
Монгол улсаас 3 орон нутгийн нийт 19 сурагчдын бүтээл ирсэн бөгөөд Увс аймгийн Ерөнхий боловсролын 1-р сургуулийн 12е ангийн сурагч Б.Цэнд-Аюуш дэд байр, тус сургуулийн 12б ангийн сурагч Ш.Лүнжээ, 11б ангийн сурагч С.Номин нар тусгай байр эзэлсэн бөгөөд тус сургуулийн 11-р ангийн сурагч Ш.Бүжмаа, Ерөнхий боловсролын 2-р сургуулийн 10б ангийн сурагч Д.Пүрэвсүрэн нар тус тус амжилттай оролцсон.
