Монгол улсын өмнөд хэсэгт орших Дундговь аймаг нь нийслэл Улаанбаатар хотоос ойр учир бага зардлаар говь тал хээр, түүний үзэсгэлэнт байгалийг үзэх боломжтой.

Алтран шаргалтах Өөш манхан, эртний далайн ёроолын үлдэц бүхий Цагаан суварга, 15км гаруй үргэлжлэх Бага газрын чулуу хэмээх боржин чулуун уул зэрэг нь аялагчдад Марс гаригт ирсэн мэт мэдрэмжийг төрүүлнэ. Мөн говийн тэнгэрт од, тэнгэрийн заадас сайн харагддаг.

Өвөрмөц байгалийн тогтоцтойгоос гадна айраг, хонины махны амт чанараараа алдартай.

Сүрлэг, ер бусын байгалийн тогтоц бүхий үзэсгэлэнт диваажингийн газар та бүхнийг хүлээж байна.