1 дүгээр сарын 16-17-ны өдрүүдэд БНСУ-ын Кёнсанбүг мужийн Чонсун сумд дэлхийн мөсөнд авиралтын аварга шалгаруулах тэмцээн болж өнгөрлөө. 15-ны өдөр нээлтээ хийж, 2 өдөр үргэлжилсэн уг тэмцээнд 18 орноос 100 гаруй тамирчин ирж оролцов. Мөсөнд авиралтын төрлийг 2018 оны Пёнчан-Өвлийн олимпийн төрөлд оруулсан байгаа бөгөөд дотоод гадаадаас хүмүүс олноор сонирхох болж байна. Чонсун сум 2011 оноос эхлэн 5 жил зохиосон туршлагадаа үндэслэн 2016-2020 он хүртэл үргэлжлүүлэн зохиохоор болжээ. Мөн уг тэмцээнийг зохиосноор дэлхийн чанартай өвлийн спорт аялал жуулчлалын газар болохыг зорьж байна.