Ерөнхий нарийн бичгийн дарга Им Бён Жин 7-р сарын 4-ний өдөр Шааньси мужийн Гадаад харилцааны албанд зочлохын зэрэгцээ БНСУ-аас Шиан хотод суугаа Ерөнхий консулын газарт айлчилж,   Дэд консул /ерөнхий консулын үүргийг орлогч/  Жон Гуан Сүтэй уулзаж, Зүүн хойд Азийн сүүлийн үеийн нөхцөл байдал, орон нутгуудын хоорондын хамтын ажиллагааны асуудал, Шиан дахь Ерөнхий консулын газрын тойрогт байдаг Ниншя, Шааньси, Ганьсү зэрэг мужуудын NEAR-ийн үйл ажиллагаанд оролцох чиг үүргийн талаар танилцуулав.

      Түүнчлэн, ажиглагч орон нутаг болох Ганьсү мужийг NEAR-ийн гишүүн орон нутгаар элсүүлэх ажилд дэмжлэг хүсэв.

    Дэд консул Жон Гуан Сү хариуд нь БНХАУ-д NEAR холбооны талаарх ойлголт нэлээд өндөр байгаа бөгөөд Зүүн хойд Азийн орон нутгуудын хоорондын харилцаанд чухал үүрэг гүйцэтгэж байна гэв.