Ерөнхий нарийн бичгийн дарга Ким Уг Чэ тэргүүтэй NEAR-ийн Хэрэг эрхлэх газрын ажилтнууд 11 сарын 3-5-ны өдрүүдэд БНСУ-ын Үльсан хотноо болж өнгөрсөн 3 дахь удаагийн Солонгос-Оросын орон нутгуудын хамтын ажиллагааны форумд оролцов. Энэ удаагийн форумд NEAR-ийн гишүүн орон нутаг болох Гёнсанбүг муж зэрэг Солонгосын 12 орон нутаг, Сахалин зэрэг Оросын 5 орон нутгаас биечлэн ирж оролцов.

Үльсан хот болон Сахагийн БНУ-ын хоёр талт уулзалтаар NEAR-ийн 13 дахь удаагийн тэргүүлэгч орон нутаг болох Сахагийн БНУ-аас NEAR-ийн 14 дөх удаагийн тэргүүлэгчээр сонгогдсон Үльсан хотод Холбооны тугийг шилжүүлэн өгөв. Үүнээс гадна уг уулзалтаар Зүүн хойд Азийн бүсийн харилцаа, хамтын ажиллагааг хөгжүүлэхэд хамтын төсөл хэрэгжүүлэх арга замыг хэлэлцэв.

NEAR-ийн Хэрэг эрхлэх газар нь Гёнсанбүг муж болон Оросын орон нутгууд(Сахагийн БНУ, Сахалин муж, Буриадын БНУ)-ын 2 талт уулзалтад орчуулгын дэмжлэг үзүүлэв.   

Нөгөөтээгүүр Солонгос-Оросын орон нутгуудын хамтын ажиллагааны форумыг 2017 онд Солонгос, Орос 2 орны ерөнхийлөгчийн хэлэлцээрээр хоёр талын орон нутгуудын харилцаа, хамтын ажиллагааны платформыг бий болгож, хамтын хөгжлийг эрэлхийлэх зорилгоор зохион байгуулах болсон бөгөөд 4 дөх удаагийн форумыг Сахалин мужид зохиохоор болов.