Тус хурал 10 сарын 9-ний өдрөөс 11-ний өдрийг хүртэл “Гишүүн байгууллагууд хооронд эрчим хүч, уур амьсгалын хамтын ажиллагааг эрэлхийлэх нь” хэмээх сэдвээр Дэгү хотноо экско төвд болж өнгөрлөө. Үүнд 4 улсын 21 газраас 40 гаруй хүмүүс оролцов. Энэхүү арга хэмжээ нь хурлыг зохион байгуулагч Дэгү хотоос нарны эрчим хүчний чиглэлийн ололт амжилтаасаа гишүүн байгууллагуудтай хуваалцан гишүүн байгууллагууд бүрт тулгарч буй төрөл бүрийн асуудлыг хамтран шийдвэрлэх арга замыг эрэлхийлэх, гишүүн байгууллагууд хоорондын хамтын ажиллагааг бэхжүүлэх зэрэг ач холбогдолтой байлаа.