2 сарын 26-ны өдөр “21-р зуун-Солонгос, Хятадын харилцааны нийгэмлэг” болон БНХАУ-аас БНСУ-д суух элчин сайд Чү Гүо Хунийг хүлээж авах ёслолын ажиллагаа Сөүл хотноо Хилтон зочид буудалд болж өнгөрлөө. Мөн “21-р зуун-Солонгос, Хятадын харилцааны нийгэмлэг”-ийн тэргүүлэгчийн бичсэн “Ким Хан Гю Хятадтай ойлголцоно” номын баяр болжээ. Холбооны ерөнхий нарийн бичгийн дарга Ким Жэ Хю уг арга хэмжээнд оролцож, шинэ элчин сайдад болон Ким тэргүүлэгчийн номын нээлтэд баяр хүргэж, үг хэлэв. Энэхүү арга хэмжээнд Солонгосын парламентын дарга асан Ким Сү Хан, ерөнхий сайд асан И Сү Сон, Хятад-Солонгосын парламентийн гишүүдийн гадаад харилцааны зөвлөлийн тэргүүлэгч Жон Мун Жүн, хэвлэл мэдээлллийн төлөөлөл зэрэг 2 орны 400 гаруй хүн оролцжээ.