8 сарын 28-ны өдөр ОХУ-ын Хабаровск хязгаарт NEAR Холбооны ерөнхий нарийн бичгийн дарга Ким Жэ Хю, R20(Уур амьсгалын өөрчлөлтийн эсрэг үйл ажиллагааны байгууллага)-ын тэргүүлэгч Мишель Сабан нар Зүүн хойд Азийн нүүрстөрөгчийн гаралтыг багасгах болон ногоон хөгжлийн чиглэлээр хамтран ажиллах санамж бичигт гарын үсэг зурцгаалаа. NEAR болон R20 байгууллага нь Зүүн хойд Азийн төр засгийн байгууллага, байгаль орчны чиглэлийн компани төдийгүй санхүүгийн байгууллагын оролцоотой Зүүн хойд Азийн бүсийн нүүрстөрөгчийн гаралтыг багасгах талаар хамтран ажиллахаар болсон бөгөөд R20 байгууллагаас сүүлийн үеийн цэвэршүүлэх технологи зэрэгт Европоос хөрөнгө мөнгөний дэмжлэг авах, NEAR Холбооны зүгээс Зүүн хойд Азийн цэвэршүүлэх технологи , холбогдох мэдээллээр хангахаар тохиролцов.