NEAR Холбоо ОХУ-ын Хабаровск хязгаартай хамтран Олон улсын 6-р форумыг Хабаровск хотноо зохион явууллаа. 8 сарын 27-28-ны өдрүүдэд болж өнгөрсөн уг форумд эрдэмтэн судлаач, Холбооны гишүүн орон нутгийн төлөөлөл зэрэг 150 гаруй хүн оролцов. Уг форумаар “Нэгэн Зүүн хойд Ази-Нэгэн хамтын нийгэмлэг хэмээх үндсэн сэдэв дор Зүүн хойд Ази ба Евроазийн хөгжлийн уялдаа холбоо, Зүүн тэнгис(Японы тэнгис)-ийн эргийн хөгжлийн шинэ хөдөлгүүрийг эрэлхийлэх нь, Уур амьсгалын өөрчлөлтийн эсрэг Зүүн хойд Азийн үйл ажиллагаа гэсэн 3 дэд сэдвээр илтгэл, хэлэлцүүлэг тавигдав. Форумд Хабаровск хязгаарын захирагч Вячеслав Шпорт, Гёнсанбүг мужийн захирагчийн орлогч Ли Ин Сон, Дэлхийн уур амьсгалын өөрчлөлтийн эсрэг үйл ажиллагааны R20 байгууллагын тэргүүлэгч Мишель Сабан, Ханс Зайдель сангийн тэргүүлэгч Бернхард Целигер, Солонгосын дипломат харилцааны нийгэмлэгийн тэргүүлэгч Жон Тэ Иг, Монгол улсын Шинжлэх ухааны академийн Олон улс судлалын хүрээлэнгийн захирал Д.Шүрхүү, Инчон их сургуулийн багш Сон Вон Юн зэрэг хүмүүс илтгэгчээр оролцов.