NEAR Холбооны Хэрэг эрхлэх газраас гишүүн орон нутгуудын 14-18-ны насны сурагчдийн дунд Зүүн хойд Азийн сэдэвт 2 дахь удаагийн эссэ бичлэгийн уралдааныг зарласан билээ. Зүүн хойд Азийн сэдэвт чөлөөт бичлэгийн энэхүү уралдааныг өнгөрсөн 7 сараас 10 сарыг хүртэл зарласан бөгөөд уралдаанд Монгол улсаас 5, ОХУ-аас 22, БНСУ-аас 9, БНХАУ-аас 6, Япон улсаас 4 буюу нийт 46 сурагч оролцов. Тэргүүн байрт БНСУ-ын Пухан хотын охидын ахлах сургуулийн 1-р ангийн сурагч Хо Сон Ён шалгарч, дэд байрт улс бүрээс тус бүр 1 сурагч шалгарав. Үүнд Монгол улсаас С.Батцэцэг, ОХУ-аас Сиза Александра, БНСУ-аас Пак Сү Вуан, Япон улсаас Мишими А-Уй, БНХАУ-аас Жан Ви Эн нар тус тус шалгарав. Уралдаанд байр эзэлсэн бүтээлүүдийг тус Холбооны сэтгүүлийн ээлжит дугааруудад гаргах болно. БНСУ-аас оролцож, тэргүүн болон дэд байрыг эзэлсэн Хо Сон Ён, Пак Сү Вуан сурагчдад шагналыг газар дээр нь гардуулсан бөгөөд бусад орноос байр эзэлсэн сурагчдын шагналыг шуудангаар явуулах болно.