Холбооны Хэрэг эрхлэх газарт төлөөлөгчөөр ажиллаж буй гишүүн орон нутгийн төрийн албан хаагчид 12 сарын 10-ны өдөр Кёнсанбүг мужийн захиргаагаар айлчлав. Айлчлалын гол зорилго нь Кёнсанбүг мужийн захиргааны бүтэц, үйл ажиллагаа, нэн ялангуяа Солонгосын цахим засаглалын системийн талаар судлах байлаа. Айлчлалын хөтөлбөрийн хүрээнд тус мужийн ИТХ болон гал түймрийн аюулаас хамгаалах төвөөр зочлон үйл ажиллагаатай нь танилцаж, энэ үеэр цахим системийн хэлтсээс мужийн иргэдэд зориулан сургалт явуулж буйг газар дээр нь үзэж сонирхов. Түүнчлэн Кёнсанбүг мужийн Гадаад худалдаа, хамтын ажиллагааны хэлтсийн удирдлагуудтай уулзан олон улсын хамтын ажиллагааны талаар санал бодол солилцож, үүний дараагаар Дэгү хотын аялал жуулчлалын гол газруудаар явж үзжээ. Холбооны Хэрэг эрхлэх газарт төлөөлөгчөөр ажиллаж буй гадаадын төрийн албан хаагчид Кёнсанбүг мужийн захиргаагаар ийнхүү айлчилснаар Солонгосын төрийн албан хаагчийн ажиллах орчин нөхцөл, захиргаа удирдлагын бүтэц, үйл ажиллагаа зэргийг өөрийн оронтой харьцуулан мэдэж авсан үр дүнтэй ажил болов.