NEAR Холбооны Хэрэг эрхлэх газарт Холбооны гишүүн орон нутгаас 1 жилийн хугацаатай төрийн албан хаагчийг төлөөлөгчөөр ажиллуулдаг билээ. Энэ жилийн 4 дүгээр сарын 9-ний өдрөөс эхлэн 1 жилийн хугацаатай тус газарт ОХУ-ыг төлөөлж Алтайн хязгаарын захиргааны Олон улсын харилцааны хэлтсийн ажилтан Гру Яна ажиллахаар болов. Мөн өнгөрсөн 3 сарын 31-ний өдөр Монгол улсыг төлөөлж Хөвсгөл аймгийн ЗДТГ-ын гадаад харилцааны ажилтан Б.Ундрахыг 1 жил сунган ажиллуулах захирамж гарав. Тэрээр 2014 оны 4 сарын 1-ний өдрөөс 1 жилийн хугацаатай тус газарт ажилласан бөгөөд энэ удаад түүнийг дахин 1 жил улиран сунгаж ажиллуулахаар боллоо.