NEAR Холбооны Хэрэг эрхлэх газрын орлогч дарга Ким Сан Гил тэргүүтэй төлөөлөгчид 6 дугаар сарын 16-17-ны өдрүүдэд Сөүл хотын захиргааны Гадаадын хотуудтай хамтран ажиллах асуудал хариуцсан хэлтэс, Нэгдсэн Үндэстний Байгууллагын Ази Номхон Далайн бүсийн Эдийн засаг, нийгмийн хороо(UNESCAP)-ны Зүүн хойд Азийн салбар болон Дэлхийн хотуудын цахим засаглалын байгууллага(WeGO)-аар тус тус айлчлав. Эхлээд Сөүл хотыг NEAR Холбоонд элсүүлэх талаар зөвшилцөж, CITYNET байгууллагын гишүүний хураамжийн журамтай танилцав. Дараагаар нь UNESCAP-ын Зүүн хойд Ази дахь салбартай хамтарч ажиллах арга замыг хэлэлцсний үр дүнд хамтарч ажиллах талаар санамж бичиг байгуулахаар боллоо. Мөн WeGO байгууллагын удирдлагуудтай уулзан гишүүний хураамжийн журмын талаар хэлэлцэж, удахгүй болох NEAR Олон улсын форумд оролцохыг хүсэв.