○Ерөнхий нарийн бичгийн дарга Жон Жэ Вон 9 дүгээр сарын 22-ны өдөр Холбооны гишүүн болох Монгол улсын аймгуудын төлөөлөлтэй уулзалт зохион байгуулав. Уг уулзалтад Говьсүмбэр аймгийн Засаг дарга Л.Одсэр , Хэнтий аймгийн Засаг даргын орлогч Г.Ганхуяг , Өвөрхангай аймгийн Засаг даргын орлогч М.Мөнхбаяр нар оролцов. Ерөнхий нарийн бичгийн дарга Холбооны үйл ажиллагаанд Монгол улсын аймгууд идэвхтэй оролцож ирснийг онцлон дурдав. Мөн Холбооны үйл ажиллагааг цаашид сайжруулах зүйл их байна гээд удахгүй болох Ажлын хорооны хурал, NEAR Олон улсын форумын зарыг дуулгав. Уулзалтын үеэр Говьсүмбэр аймгийн Засаг дарга Л.Одсэр Солонгосын аль нэг орон нутагтай шууд харилцаа тогтоох болон төрийн албан хаагчийг сургалтын хөтөлбөрт хамруулахад тусалж дэмжихийг Ерөнхий нарийн бичгийн даргаас хүсэв. Хэнтийн аймгийн Засаг даргын орлогч Г.Ганхуяг аялал жуулчлалаар дамжуулан нутгаа хөгжүүлэх бодлоготойг дурдаад аялал жуулчлалын чиглэлээр хамтарч ажиллах хүсэлтэйгээ уламжлав. Өвөрхангай аймгийн Засаг даргын орлогч М.Мөнхбаяр аймгийн иргэдийг БНСУ-ын эмнэлгийн байгууллагуудад зуучлахад холбогдох мэдээллээр хангаж, туслалцаа үзүүлэхийг хүсэв.