7 дугаар сарын 15-ны өдөр болсон Холбооны Эрдэс баялаг боловсруулалт, зохицуулалтын хорооны хуралд Магадан мужийн захирагч Владимир Печеный тэргүүтэй албаны 30 гаруй хүн оролцов. Хурлаар эрдэс баялагийн талаарх илтгэл, геологийн судалгаа, алтны уурхайд хөрөнгө оруулалт хийх зэрэг сэдвээр илтгэл тавигдаж, хэлэлцүүлэг хийжээ. Мөн энэ үеэр 3 дахь удаагийн Магадан-Олон улсын хөрөнгө оруулалт, худалдаа, аж үйлдвэрийн үзэсгэлэн болж, хуралд оролцогчид хөрөнгө оруулалтын төслүүдтэй танилцсан. NEAR Холбооны Хэрэг эрхлэх газраас Ерөнхий нарийн бичгийн дарга Жон Жэ Вон тэргүүтэй төлөөлөгчид энэ хуралд оролцжээ. Ерөнхий нарийн бичгийн дарга Жон Жэ Вон “Зүүн хойд Азийн бүсийн нөөц баялагийг ашиглахад хамтын ажиллагаа чухал байгааг онцлоод салбар хорооны хүрээнд үйл ажиллагааг тодорхой, бодит үр ашигтай болгох хэрэгтэй” гэжээ.