7 дугаар сарын 3-8-ны өдрүүдэд NEAR Холбооны Хэрэг эрхлэх газрын төлөөлөгчид Монгол улсын Дундговь, Өмнөговь, Төв аймгуудад ажлын айлчлал хийв. Айлчлалын зорилго нь тус холбооны гол үйл ажиллагааны талаар танилцуулахын зэрэгцээ холбогдох асуудлыг хэлэлцэх, Бүгд хурал болон энэ жилдээ зохион байгуулах бусад арга хэмжээний зарыг хүргэх байв. Эхлээд Өмнөговь аймгийн засаг дарга Б.Бадраад бараалхан ирэх 9 дүгээр сард болох Бүгд хурлын талаар болон цаашид тус Холбооноос зохион явуулах үйл ажиллагаанд тусалж дэмжихийн зэрэгцээ идэвхтэй оролцохыг хүсэв. Дараагаар нь Дундговь аймгийн Засаг даргын орлогч Н.Мэндсайхан, Төв аймгийн Төрийн захиргаа удирдлагын хэлтсийн дарга С.Цогбаяр, Санхүү төрийн сангийн хэлтсийн дарга Ю.Бямбацогт нартай уулзан мөн энэ жил болох Бүгд хурал, Залуучуудын форум зэрэг цаашдын үйл ажиллагаа, арга хэмжээний талаар танилцуулж, идэвхтэй оролцон тусалж дэмжихийг хүсэв. Мөн Төв аймагт айлчлахдаа 2017 оны нэгдүгээр сард ашиглалтад орох Чингис хаан олон улсын нисэх онгоцны буудлын бүтээн байгуулалт, ажлын явцтай танилцлаа.