8 дугаар сарын 8-12-ны өдрүүдэд “Зүүн хойд Азийн залуу удирдагч” форум болж өнгөрсөн бөгөөд оролцогчид бүгд өндөр сэтгэгдэлтэй байв. NEAR Холбооноос удирдан БНСУ-ын Кёнжү хот дахь Дунгүг их сургуультай хамтран зохион байгуулсан энэхүү форумд Монгол, Орос, Хятад, Солонгос, Япон зэрэг 5 улсын нийт 77 залуус оролцов. Энэхүү форумд оролцогчид 7 багт хуваагдаж , баг тус бүрт оногдсон Зүүн хойд Азийн талаарх сэдвийн дагуу хэлэлцэж санал бодлоо солилцов. Мөн форумын үеэр Кёнжү хот дахь Бүлгүгса Буддын хийд, Пухан хот дахь Ёныльдэ далайн эрэг зэрэг Солонгосын түүх, соёл амралтын газруудтай танилцав. Ерөнхий нарийн бичгийн дарга Жон Жэ Вон “Энэхүү форумаар дамжуулан Зүүн хойд Азийн залуучууд харилцан нөхөрлөж, ирээдүйн шилдэг удирдагч, манлайлагчид болохыг хүсье” гэв.