7 дугаар сарын 30-ны өдөр Ерөнхий нарийн бичгийн дарга Жон Жэ Вон Кёнсанбүг мужийн Пухан хотноо болсон “Зүүн хойд Азийн компаний захирлуудын эдийн засаг, хамтын ажиллагааны форум 2016”-д оролцов. Форумыг нээж БНСУ-ын Эв нэгдлийн яамны сайд асан Рю Гил Жэ илтгэл тавьж, дараагаар нь БНХАУ-ын Хүнчүн хотын захирагч Жан Гил Бун, ОХУ-ын Корсаков хотын захирагч Рудаков Александр, Пухан хотын далай, загасны аж үйлдвэрийн газрын дарга Юн Сог Хун тус тус илтгэл тавив. Мөн Зүүн хойд Азийн бүсийн голлох орон нутгуудын захирагчид, тээвэр ложистикийн компаний захирлуудаас гадна, эдийн засаг аялал жуулчлалын салбарын мэргэжилтнүүд оролцож, төрөл бүрийн салбарт хамтын ажиллагааг явуулах талаар хэлэлцэв.