Зүүн Хойд Азийн Орон нутгийн Засаг захиргаадын Холбоо (NEAR)-ны Хэрэг эрхлэх газар нь “2026 оны NEAR гишүүн орнуудын төрийн албан хаагчдын сургалтын хөтөлбөр”-ийг зохион байгуулахтай холбогдуулан гишүүн болон сурвалжлагч гишүүн орон нутгийн захиргаад (үүнд элсэхээр төлөвлөж буй орон нутгийн захиргаад багтана)-аас 3-р сарын 26-наас 5-р сарын 8-ны хооронд оролцогчдын хүсэлтийг хүлээн авч, улс болон гишүүн байгууллага бүрийн тэнцвэртэй төлөөллийг харгалзан эцсийн байдлаар 5 улсын 17 оролцогчийг сонгон шалгаруулсан байна. (Албан бичгээр мэдэгдсэн)
Энэ удаагийн сургалтын хөтөлбөрт Хятад 5, Монгол 13, Орос 1, Узбекистан 1, Казахстан 2 буюу нийт 5 улсын 22 төрийн албан хаагч өргөдөл гарган оролцох хүсэлтээ илэрхийлсэн нь өндөр сонирхол татсаныг харуулжээ. Хэрэг эрхлэх газар нь ирүүлсэн анкет материал, мөн улс болон гишүүн байгууллага бүрийн төлөөллийн тэнцвэрийг харгалзан утсаар англи хэлний ярилцлага хийсний үндсэн дээр эцсийн оролцогчдыг сонгон шалгаруулсан байна.
Эцсийн байдлаар сонгогдсон оролцогчид нь улс тус бүрээр: Хятад 5 хүн, Монгол 8 хүн, Орос 1 хүн, Узбекистан 1 хүн, Казахстан2 хүн байна.
_1.png)
“2026 оны NEAR гишүүн орнуудын төрийн албан хаагчдын сургалтын хөтөлбөр” нь NEAR-ийн Хэрэг эрхлэх газрын зохион байгуулдаг арга хэмжээ бөгөөд 2024 оноос эхлэн Ённам Их Сургуультай хамтран ажиллах санамж бичиг (MOU) байгуулан хэрэгжүүлж байгаа юм. Энэхүү хөтөлбөр нь Гёнсанбүг муж болон Пухан хотын төсвийн дэмжлэгтэйгээр хэрэгждэг.
Түүнчлэн оролцогчдын сэтгэл ханамж өндөр, гишүүн байгууллагуудын зүгээс тогтмол хүсэлт ирүүлж байгаатай холбоотойгоор уг арга хэмжээ нь 3 жил дараалан зохион байгуулагдаж байна.
Ялангуяа өнгөрсөн жилийн сургалтад оролцогчид Солонгосын “Шинэ тосгон хөдөлгөөн” (Saemaul хөдөлгөөн)-ийг жишиг болгосон орон нутгийн хөгжлийн амжилттай туршлага, дижитал эдийн засаг, ой хамгаалал, орон нутгийн засаг захиргаанд хиймэл оюун ухааныг ашиглах зэрэг Зүүн Хойд Азийн нийтлэг сэдвүүдээр лекц сургалтад хамрагдсан байна. Мөн сургалтын төгсгөлийн даалгавар болгон “Үйл ажиллагааны төлөвлөгөө” (Action Plan) боловсруулж, эх орондоо буцсаны дараа бодлогын санал боловсруулах зэрэг бодит үр дүнтэй ажилд ашиглах боломжтой болсон нь оролцогч байгууллагуудад бодитой дэмжлэг үзүүлэх ач холбогдолтой арга хэмжээ болж төлөвшиж байна.
Мөн сургалтын хөтөлбөрийг онц дүнтэй төгссөн зарим оролцогчдод Ённам Их Сургуулийн Пак Жон Хигийн нэрэмжит “Шинэ тосгон” төгсөлтийн сургуульд (2 жилийн хөтөлбөр) тэтгэлгээр суралцах боломж олгож магадгүй юм.