2025 оны 9-р сарын 11-нд БНХАУ-ын Ниншя Хотон Үндэстний өөртөө засах орны Жунвэй хотод зохион байгуулагдсан Зүүн Хойд Азийн Нутгийн Захиргаадын холбоо (NEAR)-ны Аялал жуулчлалын хорооны хурлын үеэр холбооны Ерөнхий нарийн бичгийн дарга Им Бён Жин Монгол Улсын Баянхонгор, Дундговь, Хөвсгөл аймгуудын орлогч дарга нартай уулзаж, цаашдын хамтын ажиллагааны талаар санал солилцлоо.
Им Ерөнхий нарийн бичгийн дарга нь Монголын аймгуудын орлогч дарга нарт уг хурлын арга хэмжээнд оролцсонд талархал илэрхийлж, NEAR-ийн сүүлийн үеийн нөхцөл байдлын талаар танилцуулан, харилцан сонирхсон бусад асуудлын талаар санал солилцлоо.
Монголын орлогч дарга нар энэ удаагийн Аялал жуулчлалын хорооны арга хэмжээнд урилгаар оролцуулсанд талархал илэрхийлж, NEAR Холбоо нь Зүүн Хойд Азийн орон нутгийн засаг захиргаадын олон талт хамтын ажиллагаанд ихээхэн хувь нэмэр оруулж байгааг эерэгээр үнэлэв.
Түүнчлэн, Хөвсгөл аймгийн орлогч дарга 2027 онд Хөвсгөл аймагт Аялал жуулчлалын хорооны хурлыг зохион байгуулах боломжийг судалж байгаа бөгөөд ирэх онд NEAR-ийн Хэрэг эрхлэх газраас Хөвсгөл аймагт зочлон, газар дээр нь нөхцөл байдалтай танилцаж санал зөвлөмж өгөхийг хүсэв.