Ерөнхий нарийн бичгийн дарга Им Бён Жин 1-р сарын 8-ны даваа гарагт Сөүл хотын захиргаанд зочилж, Олон улсын харилцааны элчин сайд Ку Хонг Соктой уулзаж, Зүүн хойд Азийн бүс нутгийн орон нутгийн засаг захиргааны байгууллага хоорондын хамгийн том олон талт солилцооны платформ болох NEAR-ийн талаар танилцуулав.  

Ерөнхий нарийн бичгийн дарга Им хэлэхдээ "Сөүл бол БНСУ-ын 17 хотын орон нутгийн засаг захиргааны байгууллагаас NEAR Холбоонд нэгдээгүй цорын ганц хот юм. Сөүл нь Солонгосын орон нутгийн засаг захиргаа хоорондын олон улсын хамтын ажиллагаанд тэргүүлэгч үүрэг гүйцэтгэдэг бөгөөд NEAR Холбоонд нэгдсэнээр Зүүн хойд Азийн бүс нутгийн хамтын ажиллагаанд ч тэргүүлэх үүрэг гүйцэтгэж болно гэдэгт итгэж байна" хэмээв.

Үүний хариуд Элчин сайд Ку Хонг Сок Зүүн хойд Азийн орон нутгийн засаг захиргаа хоорондын хамтын ажиллагаан дахь NEAR-ын үүрэг оролцоог үнэлж, Сөүл хотоос үйл ажиллагаа явуулдаг олон улсын байгууллагуудын (CITYNET, WeGo) талаар танилцуулж, Сөүл хот NEAR Холбоонд элсэх асуудал одоогоор багахан бэрхшээлтэй байгаа бөгөөд бид бүхий л талаар хичээх болно хэмээв.