11 дүгээр сарын 5-ны өдөр ОХУ-ын Ерөнхийлөгч Владимир Путин Сибирийн гол мөрөнтэй болон Хойд мөсөн далайн замтай (NSR) холбох “Трансаарктикийн тээврийн коридор”(TATC)-ыг үндэсний стратегийн төслийн хүрээнд хэрэгжүүлэхийг үүрэг болголоо.
Энэ тээврийн шинэ шугам нь NEAR-ийн гишүүн орон нутгаар дайран өнгөрдөг Енисей мөрөн (Красноярскийн хязгаар), Лена мөрөн (Саха Улс), Обь мөрөн (Алтайн хязгаар, Томск муж, Новосибирск муж) зэрэг томоохон усан замуудыг холбох онцлогтой.
Мөн ОХУ-ын Засгийн газар Хойд мөсөн далайн бүсэд ашиглах хөлөг онгоцнууд (контейнер тээвэрлэгч, өргөн хэрэглээний ачааны хөлөг, LNG тээвэрлэгч, чирэгч онгоц зэрэг)-ыг дотоодод үйлдвэрлэхийн зэрэгцээ Алс Дорнодын боомтуудын ложистикийн төвийн үүргийг бэхжүүлэхээр төлөвлөж байна. Эхний үе шатанд дараах газруудад төвлөрч ажиллана. Үүнд : Нижнебеленское – Хятадын Тунзян, Благовещенск – Хятадын Хэйхэ, Түмэн мөрний гүүр – БНАСАУ руу чиглэх коридор.
Төслийн үр дүнд Сүэцийн сувагаас хэт хамаарах байдал буурч, эрчим хүчний экспортын өрсөлдөх чадвар сайжрахын зэрэгцээ Европ–Ази тивийг холбосон шинэ далайн эдийн засгийн бүс хурдтай бүрэлдэн тогтох боломжтой болж байна.
NEAR Холбооны гишүүн орон нутгуудыг хамарсан Хойд туйлын бүсийн хөгжил нь цаашид Зүүн Хойд Азийн логистикийн бүтэц, хүчний тэнцвэрт томоохон өөрчлөлт авчрах төлөвтэй байна.
Эх сурвалж: Новости нефти и газа | Новости России и Мира | Neftegaz.RU