9 сарын 29-ний өдөр БНСУ-ын Бүсан хот дахь Хятадын Ерөнхий консулын газрын урилгаар NEAR-ийн Хэрэг эрхлэх газрын Олон улс, хамтын ажиллагааны хэлтсийн багийн ахлагч Чэ Жү Хва, Хятадтай харилцах мэргэжилтэн Жу Сон Хва, Хятадын орон нутгуудыг хариуцсан төлөөлөгч И Күн нар БНХАУ байгуулагдсаны 73 жилийн ойн арга хэмжээнд оролцов.

Энэхүү арга хэмжээ Солонгос, Хятадын хооронд дипломат харилцаа тогтоосны 30 жилийн ойг тэмдэглэж байгаагийн хувьд NEAR-ийн тэргүүлэгч болох Үльсан хотын захирагч Ким Дү Гём, Бүсан хотын захирагч Пак Хён Жүн, Гёнсаннам мужийн захирагч Пак Ван Сү нар видео баярын мэндчилгээ дэвшүүлэв.

Бүсан дахь БНХАУ-ын Консулын газрын Ерөнхий консулын үүргийг орлогч Ду Гёнчан арга хэмжээг нээж үг хэлэхдээ өнгөрсөн 70 жилийн хугацаанд Хятадын эдийн засаг, нийгмийн хөгжлийн түүхийг танилцуулсны дараа цаашид Хятад улс харилцан хүндлэлд суурилан дэлхийн энх тайвныг хөгжүүлэхийн төлөө хичээн чармайх болно гэв.

Нөгөөтээгүүр КОВИД-19 тахлын улмаас онлайнаар болж өнгөрсөн уг арга хэмжээнд Бүсан, Үльсан, Гёнбүг, Гённамын орон нутгуудын удирдлага зэрэг 100 гаруй хүн оролцов. Энэ үеэр Солонгос, Хятадын нөхөрлөлийн сэдэвт урлагийн тоглолт болов.