NEAR-ийн 5 дах удаагийн Ерөнхий нарийн бичгийн даргаар ажиллаж байсан бөгөөд одоо Япон улсын Йокохама дахь Ерөнхий консулын албыг хашиж буй Ким Уг Чэ нь Сөүл Олон Улсын Форум (Захирал Рю Жин)-аас жил бүр гадаад харилцааны салбарт эх орны ашиг сонирхлыг хамгаалах, улсын нэр хүндийг дээшлүүлэхэд хүчин зүтгэсэн дипломатч болон иргэнд олгодог Ёнсан Гадаад Харилцааны шагналыг хүртжээ.
Ким Уг Чэ нь 2022 оны 12-р сард Йокохамад Ерөнхий консулын албанд томилогдон, Солонгос-Японы харилцааг сайжруулах болон Япон дахь солонгос иргэдийн асуудлыг шийдвэрлэхэд хүчин чармайлт гаргасан нь өндрөөр үнэлэгдэж, Филиппин дэх БНСУ-ын Элчин сайдын хамтаар шагналын эзнээр тодорсон байна. Иргэний салбарын Гадаад харилцааны шагналд төгөлдөр хуурч Жо Сон Жин шалгарчээ.
Ёнсан Гадаад Харилцааны шагнал нь 2008 оноос хойш Сөүл Олон Улсын Форумын зүгээс эх орныхоо ашиг сонирхлыг хамгаалж, нэр хүндийг өсгөх үйлст хувь нэмэр оруулсан дипломатч болон иргэний хувиар гадаад харилцаанд хувь нэмэр оруулсан хүнд олгогдож буй шагнал бөгөөд энэ нь дипломатчдын хувьд хамгийн нэр хүндтэй шагналуудын нэг юм.