NEAR-ийн Ерөнхий нарийн бичгийн дарга Им Бёнжин 10 сарын 23-ны өдөр NEAR-ийн Шинэчлэлийн хорооны арга хэмжээнд оролцсон гишүүн орон нутгуудын төлөөлөгчдийн хамт Хунань мужийн орлогч дарга Ли Жяньжунтай уулзаж, NEAR болон Хунань мужийн хоорондын хамтын ажиллагааны асуудлыг хэлэлцэв.
Ли Жяньжун дарга Хунань мужийн өнөөгийн байдал, гол бодлогуудын талаар нарийвчлан танилцуулж, NEAR нь Зүүн Хойд Азийн орон нутгийн засаг захиргаадын харилцаа, хамтын ажиллагаанд чухал үүрэг гүйцэтгэж байгаа гэж үнэлээд, цаашид NEAR болон Шинэчлэлийн хороо зэрэг олон талт харилцааны платформоор дамжуулан ① аж үйлдвэрийн хамтын ажиллагааг өргөжүүлэх, ② хүмүүнлэгийн солилцоо, ялангуяа залуучуудын солилцоог нэмэгдүүлэх, ③ эдийн засаг, худалдааны хамтын ажиллагааг гүнзгийрүүлэх зэрэг өргөн хүрээтэй, бодит хамтын ажиллагааг хөгжүүлэх хүсэлтэй байгаагаа илэрхийлэв.
Үүний хариуд Им дарга Хунань муж нь өмнө нь NEAR-ийн 12 дахь удаагийн тэргүүлэгчийн үүргийг амжилттай гүйцэтгэж, энэ удаад Шинэчлэлийн хороог байгуулж, үүсгэн байгуулах хурлыг амжилттай зохион байгуулсанд талархал илэрхийлэв.
Тэрээр мөн ирэх жилийн 15 дахь удаагийн NEAR-ийн Бүгд хуралд Хунань мужийн дарга болон орлогч даргыг оролцохыг урьж, ирэх онд зохион байгуулах олон төрлийн NEAR-ийн үйл ажиллагаанд Хунань мужийн идэвхтэй оролцоо, дэмжлэгийг хүсэв.
Үүнээс гадна Хунань муж нь үргэлжлүүлэн өндөр чанартай хөгжилд хүрч, Хятадын төвийн бүсийн сэргэлтийн манлайлагч болж, NEAR-ийн гишүүн орон нутгуудын харилцаа, хамтын ажиллагаанд томоохон үүрэг гүйцэтгэхийг хүлээж байгаагаа илэрхийлэв.
Багийн уулзалтад Ерөнхий нарийн бичгийн дарга Имээс гадна ОХУ-ын Сахагийн БНУ-ын Шадар сайд Борисов Ким, БНСУ-ын Гёнсанбүг мужийн Эдийн засаг, Худалдааны газрын дарга Чэ Ён сүг, ОХУ-ын Сахагийн БНУ-ын Гадаад харилцаа, Үндэстний Хэрэг Эрхлэх Яамны сайд Кириллин Гаврил, мөн Япон, Солонгос, Монгол, Орос 4 улсын төлөөлөл бүхий 14 хүн оролцов.
Хунань мужаас орлогч дарга Ли Жэньжун, Жанжиажэ хотын Намын дарга Лю Гэан, Хунань мужийн Ардын Засгийн газрын орлогч нарийн бичгийн дарга Жи Шиньчуань, Жанжиажэ хотын захирагч Ван Хунбинь, Хунань мужийн Нийгмийн Шинжлэх Ухааны Академийн дарга Жун Жунь нар оролцов.
Үүний дараа Шинэчлэлийн хорооны нээлтийн ёслол, үүсгэн байгуулах хурал болж, дараагаар нь орлогч дарга Ли Жэньжун зочдыг хүлээн авч, үдийн зоогт урив.