NEAR-ийн Ерөнхий нарийн бичгийн дарга Им Бён Жин 3 сарын 7-ны өдөр NEAR-ийн тусгай гишүүн бөгөөд NEAR-ийн Хэрэг эрхлэх газрын төсөвт дэмжлэг үзүүлдэг Пухан хотын захирагч И Ган Догтой уулзав. Тэрээр энэ жил төсвийг нэмэгдүүлсэнд талархал илэрхийлж, NEAR-ийн гол үйл ажиллагаа, энэ жилийн үйл ажиллагааны чиглэл, гол арга хэмжээнүүдийг танилцуулсны дараа цаашид Пухан хоттой хамтын ажиллагаагаа бэхжүүлэх талаар ярилцав.
Мөн тэрээр Пухан хот нь NEAR-ийн Хэрэг эрхлэх газрыг байршуулсан төдийгүй төсвийн тодорхой хэсгийг дэмждэг учир Пухан хотын олон улсын нэр хүндийг дээшлүүлэх, олон улсын хамтын ажиллагааг хөгжүүлэхэд хувь нэмрээ оруулахын төлөө хичээн ажиллана гэдгээ илэрхийлэв. Пухан хот ч мөн NEAR-ийн тусгай гишүүн хотын хувьд энэ жилийн Бүгд хурал зэрэг NEAR-ийн төрөл бүрийн үйл ажиллагаанд идэвхтэй оролцохыг хүссэн юм.
И Ган Дог захирагч Ерөнхий нарийн бичгийн даргаар сунгагдах ажиллах болсон Им даргад баяр хүргэж, ажлаа хүлээж авснаас хойш NEAR-ийн хүрээг өргөжүүлж (шинэ гишүүд: 3 үндсэн гишүүн, 1 сурвалжлаг гишүүн, 1 ажиглагч, 1 тусгай гишүүн), платформын үйл ажиллагааг идэвхжүүлснээр NEAR-ийн байр суурь ихээхэн нэмэгдсэнийг үнэлэв. Цаашид Пухан хот ч NEAR-ийн үйл ажиллагаанд идэвхтэй оролцож, NEAR-ийг Зүүн хойд Азийн орон нутгийн засаг захиргааны байгууллагуудын олон талт хамтын ажиллагааны нэр хүндтэй байгууллага болгон хөгжүүлэхийг бүрэн дэмжихээ илэрхийлэв.
Үүний зэрэгцээ Ерөнхий нарийн бичгийн дарга Им Бён Жин Пухан хотын ИТХ-д айлчилж, хурлын дарга Ким Иль Мантай уулзан NEAR-ийн үйл ажиллагааны чиглэл, гол арга хэмжээнүүдийг танилцуулж, төсвийг нэмэгдүүлсэнд талархал илэрхийлэв. Түүнчлэн, Пухан хотын ИТХ-аас NEAR-ийн үйл ажиллагаанд идэвхтэй дэмжлэг үзүүлэхийг хүсэв.