Гёнсанбүг мужийн Пухан хотод 5 дугаар  сарын 26-28-ны өдрүүдэд "Пухан олон улсын салютын наадам-2023”   арга хэмжээг  Хёнсан голын эрэг дээр гурван өдрийн турш зохион байгуулна. 

Пухан олон улсын салютын наадам анх 2004 онд  Пухан хотын иргэдийн өдрийг тохиолдуулан дэлхийн хэмжээний ган үйлдвэрлэлийн хот болохыг бэлгэдэж "гэрэл" болон халуун зуухыг бэлгэддэг "гал" сэдвийн дор зохион байгуулагдаж байсан. Түүнээс хойш энэ нь олон улсын арга хэмжээ болж өргөжсөн бөгөөд жил бүр олон улсын алдартай салют буудлагын багууд оролцдог. 

Энэ жилийн арга хэмжээнд олон улсын багууд (Филиппин, Итали, Швед, Солонгос) салют буудуулах шоу үзүүлэх бөгөөд Хёнсан голын эрэг дээрх романтик концерт, гудамжны жагсаал зэрэг олон арга хэмжээг зохион байгуулна.