NEAR Холбооны Хэрэг Эрхлэх газар нь 2018 оны 4-р сарын 2-ны өдөр, Гёнсанбүг мужийн Пухан хотын Хан Дун их сургуультай Зүүн хойд Азийн залуучуудын харилцааны үйл ажиллагаа явуулах тухай хамтын ажиллагааны гэрээ байгуулав. Хан Дун их сургууль дээр энэ удаагийн гэрээ байгуулах үйл ажиллагаанд NEAR Холбооны Ерөнхий нарийн бичгийн дарга Хун Жун Гён ажилтнуудын хамт, Хан Дун их сургуулийн захирал болон тус сургуулийн ажилтнууд холбогдох албаны хүмүүс байлцлаа.

Тус гэрээгээр хоёр байгууллагын нийтлэг сонирхож байгаа салбарын талаар зөвшилцөж, Зүүн Хойд Азийн Бүс нутгийн харилцаа, хамтын ажиллагааны хөтөлбөрийг боловсруулж хэрэгжүүлэхээр тохиролцсон бөгөөд анхны хамтын ажиллагаагаар “NEAR 2018-Зүүн Хойд Азийн залуу удирдагчдын форум”–ыг энэ оны 8-р сард зохион байгуулахаар шийдвэрлэв.