Гёнсанбүг мужийн Захиргааны асуудал хариуцсан орлогч дарга Хван Мён Сог 9-р сарын 7-ны өдрийн үдээс хойш NEAR-ийн Хэрэг эрхлэх газарт зочилж, NEAR-ийн Ерөнхий нарийн бичгийн дарга Им Бён Жинтэй харилцан сонирхсон асуудлуудын талаар санал бодлоо солилцов.
NEAR-ийн Ерөнхий нарийн бичгийн дарга Им Бён Жин орлогч дарга Хван Мён Согийг Хэрэг эрхлэх газарт зочилсонд талархан хүлээн авч, Гёнсанбүг муж NEAR-ийн Хэрэг эрхлэх газрын үйл ажиллагааг дэмжих, Эдийн засаг, хүмүүнлэгийн хамтын ажиллагааны дэд хороог тогтвортой ажиллуулах зэрэг олон чиглэлээр NEAR-ийн хөгжилд ихээхэн хувь нэмэр оруулж байгаад талархал илэрхийлэв. Мөн цаашид ч NEAR-д үзүүлж буй анхаарал, дэмжлэгээ үргэлжлүүлэхийг хүслээ.
Орлогч дарга Хван Мён Сог NEAR нь Зүүн Өмнөд Ази болон Төв Азийг хамарсан олон талт нутгийн захиргаадын хамтын ажиллагааны байгууллага болон хүрээгээ өргөжүүлж, хамтын ажиллагааны платформуудаа идэвхжүүлж байгааг сайшаан үнэлж, цаашид NEAR-ийг тасралтгүй хөгжүүлэхэд анхаарч, дэмжлэг үзүүлэн ажиллахаа илэрхийлэв.