6 сарын 26-ны өдөр “2026 NEAR-Гишүүн орон нутгийн төрийн албан хаагчдын сургалтын хөтөлбөр”-т хамрагдаж буй Хятад (5 оролцогч), Монгол (8 оролцогч), Орос (1 оролцогч), Казахстан (2 оролцогч) зэрэг 4 улсын гишүүн орон нутгийн нийт 16 төрийн албан хаагч NEAR Холбооны Хэрэг эрхлэх газарт зочлон байгууллагын үйл ажиллагаатай танилцаж, NEAR Холбооны Ерөнхий нарийн бичгийн дарга Им Бён Жинтэй уулзалт, ярилцлага хийлээ.
Уулзалтын үеэр NEAR Холбооны үндсэн гишүүн болон сурвалжлагч гишүүн орон нутгийн тоо сүүлийн жилүүдэд нэмэгдэж, гишүүнчлэлийн хүрээ өргөжин тэлж буй явц, мөн тус Холбооны Хэрэг эрхлэх газраас зохион байгуулж буй төрөл бүрийн арга хэмжээ идэвхтэй өргөжиж байгаа талаар танилцуулга хийв.
Хариуд нь сургалтад оролцогчид энэхүү сургалтын хөтөлбөрийг амжилттай зохион байгуулж, оролцогч бүрийг дэмжиж буй NEAR Холбооны Хэрэг эрхлэх газарт талархал илэрхийлэв. Мөн Ённам их сургуулиас бэлтгэн зохион байгуулсан сургалтын агуулга, хөтөлбөр нь өндөр түвшинд байсныг онцлон, сэтгэл хангалуун байгаагаа илэрхийллээ.
Түүнчлэн оролцогчид энэхүү сургалтаар дамжуулан гишүүн орон нутгийн засаг захиргааны бодлого, төрийн удирдлагын сайн туршлагатай танилцахын зэрэгцээ, гишүүн орон нутгийн төрийн албан хаагчдын хооронд харилцаа, хамтын ажиллагааны сүлжээ бүрдүүлэх үнэ цэнтэй боломж олдсоныг өндөрөөр үнэлэв.
Уулзалтын дараа Ерөнхий нарийн бичгийн дарга Им Бён Жин сургалтад оролцогчидтой хамт өдрийн зоог барьж, илүү чөлөөтэй, найрсаг уур амьсгалд гишүүн орон нутгуудын төрийн захиргааны туршлага, бүс нутгийн өмнө тулгамдаж буй асуудал, сургалтын хөтөлбөрт оролцсон сэтгэгдлийн талаар харилцан санал солилцов.