Зүүн Хойд Азийн Нутгийн Захиргаадын Холбоо(NEAR)-ны Ерөнхий нарийн бичгийн дарга Им Бён Жин 6 сарын 24-ний өдөр Гёнжү хот дахь Гёнсанбүг мужийн Аялал жуулчлалын газрын хурлын танхимд тус мужийн урилгаар БНСУ-д айлчилж буй Камбож улсынКампонг Том мужийн Эрүүл мэндийн газрын орлогч дарга Кео Дари тэргүүтэй төлөөлөгчидтэй уулзав.
▲ Уулзалтын үеэр NEAR Холбооны сүүлийн үеийн үйл ажиллагаа, сурвалжлагч гишүүний тогтолцоо болон сурвалжлагч гишүүнчлэлийн өнөөгийн байдлыг танилцуулж, Кампонг Том мужийг NEAR Холбооны сурвалжлагч гишүүнээр элсүүлэх хүсэлтийг илэрхийлсэн захидлыг тус мужийн г дарга Нуон Паратд уламжлан хүргүүлэхээр гардуулав.
▲ Түүнчлэн Камбож улсад буцаж очсоныхоо дараа уг уулзалтын талаар удирдлагууддаа танилцуулж, дээрх захидлыг мужийн Захирагч Нуон Парат-д албан ёсоор дамжуулж өгөхийг хүслээ.
Хариуд нь орлогч дарга Кео Дари Гёнсанбүг мужийн урилгаар БНСУ-д айлчлах үеэр NEAR Холбооны Ерөнхий нарийн бичгийн даргатай уулзсандаа баяртай байгаагаа илэрхийлээд, Зүүн хойд Азийн орон нутгийн захиргаадын олон талт хамтын ажиллагааны олон улсын байгууллага болох NEAR-ийн талаар шинэ ойлголттой болсноо онцлов. Мөн эх орондоо буцаж очсоны дараа уулзалтын үр дүнг удирдлагууддаа тайлагнаж, Ерөнхий нарийн бичгийн даргын захирагчид хаягласан захидлыг зохих ёсоор нь уламжлан хүргэхээ мэдэгдэв.
<БНСУ-д суугаа Камбож улсын Элчин сайд Хуон Пон Раттанак> <Камбож улсын Мэдээллийн яамны дэд сайд Прак Тавеак Амида>
Ерөнхий нарийн бичгийн дарга Им Бён Жин Камбож улсын мужийн түвшний орон нутгийн захиргаадыг NEAR Холбооны сурвалжлагч гишүүнээр элсүүлэх ажлыг дэмжих зорилгоор энэ сарын эхээр БНХАУ-ын Ляонин мужид болсон Олон улсын найрамдалт хотуудын арга хэмжээний үеэр Камбож улсын Мэдээллийн яамны дэд сайд Прак Тавеак Амидад хамтран ажиллах хүсэлт тавьсан байна. Мөн тэрээр 7 дугаар сарын 3-ны өдөр БНСУ-д суугаа Камбож улсын Элчин сайд Хуон Пон Раттанактай уулзан энэ асуудлаар нэмэлт зөвлөлдөх уулзалт хийхээр төлөвлөж байна.