Зүүн Хойд Азийн засаг захиргаадын холбоо (NEAR)-ны Ерөнхий нарийн бичгийн дарга Им Бён Жин 3-р сарын 18-нд Гёнжү хотын Хилтон зочид буудалд зохион байгуулагдсан 2026 NEAR гишүүн орон нутгуудын хурал-д оролцсон Монгол улсын төлөөлөгчидтэй уулзав. Энэ өдрийн уулзалтад Монгол улсын гишүүн орон нутгийн засаг захиргааны засаг даргын орлогч, тамгын газрын дарга зэрэг өндөр түвшний албан тушаалтнууд болон төрийн удирдлагын хэлтсийн дарга, ахлах мэргэжилтнүүд оролцлоо.
Ерөнхий нарийн бичгийн дарга Им Бён Жин нь юуны өмнө Гишүүн орон нутгуудын хуралд оролцож буйд талархлаа илэрхийлж, NEAR-ийн Хэрэг эрхлэх газар болон Монгол улсын гишүүн засаг захиргаануудын хоорондын хамтын ажиллагааны харилцаа, мөн гол хамтын ажиллагааны талаар танилцууллаа. Түүнчлэн 2026 онд зохион байгуулагдах Дээд түвшний дэд хорооны хурал зэрэг гол арга хэмжээний төлөвлөгөөг танилцуулж, Монгол улсын гишүүн орон нутгууд цаашид ч NEAR-ийн үйл ажиллагаанд идэвхтэй, тогтмол оролцохыг хүслээ.
Үүний хариуд Сэлэнгэ аймгийн засаг даргын орлогч Ж.Сайнцог
NEAR Холбоо байгуулагдсаны 30 жилийн ойг тохиож байгаад баяр хүргээд Сэлэнгэ аймаг нь NEAR Холбооны анхны гишүүн орон нутгуудын нэгийн хувьд NEAR-ийн бүхий л үйл ажиллагаанд идэвхтэй оролцож ирснийг онцлон тэмдэглэв. Мөн NEAR Холбоогоор дамжуулан БНСУ-ын Жэжү муж болон БНХАУ-ын Жилинь мужтай хамтын ажиллагаа өрнүүлсэн нь улам хөгжсөн зэрэг орон нутгийн гадаад харилцаа өргөжсөн явдлыг эерэгээр үнэлэв.
Дундговь аймгийн засаг даргын орлогч Ц.Ариунбаяр энэхүү арга хэмжээнд урьсанд талархал илэрхийлж, дэлхий даяар бүс нутаг төвтэй хамтын ажиллагаа өргөжин тэлж буй энэ үед NEAR нь бүс нутаг хоорондын олон улсын харилцааг дэмжих чухал үүрэг гүйцэтгэж байгааг өндрөөр үнэлж, NEAR байгуулагдсаны 30 жилийн ойд баяр хүргэлээ.
Говь-Алтай аймгийн Тамгын газрын дарга Ш.Эрдэнэбат Олон улсад төрийн албан хаагчдын хамтын ажиллагаа, солилцооны боломжийг бүрдүүлж буйд NEAR-ийн үүрэг өндөр байгаад талархал илэрхийлж, Говь-Алтай аймгийн хувьд төрийн албан хаагчдын хөтөлбөрт идэвхтэй оролцон тэдний чадавхыг бэхжүүлэхэд анхаарч ажиллана гэдгээ илэрхийллээ. Мөн энэ онд Говь-Алтай аймагт албан ёсны айлчлал хийхийг урив.
Завхан аймгийн Тамгын газрын дарга Т.Рэнчинванжил Завхан аймаг нь аялал жуулчлалын салбарын хөгжлийг тэргүүн чиглэл болгож буй тул NEAR-ийн Аялал жуулчлалын дэд хороо болон төрийн албан хаагчдын хөтөлбөрт идэвхтэй оролцохоо илэрхийллээ.
Хөвсгөл аймгийн төрийн захиргаа удирдлагын хэлтсийн дарга Ц.Гончиг Монгол улсын аялал жуулчлал давамгайлсан бүс нутаг болох Хөвсгөл аймагт 2027 онд NEAR-ийн Аялал жуулчлалын дэд хорооны хурлыг зохион байгуулах хүсэлтэй байгаагаа илэрхийллээ.
Баянхонгор аймгийн Тамгын газрын дарга П.Отгонбаяр Баянхонгор аймаг нь NEAR-тай байгаль орчны хамгаалал, эрчим хүч, төрийн албан хаагчдын хөтөлбөр зэрэг олон салбарт хамтын ажиллагааг өргөжүүлэхийг хүсэж байгаагаа илэрхийллээ.