Зүүн Хойд Азийн Нутгийн Захиргаадын Холбоо (NEAR)-ны Ерөнхий нарийн бичгийн дарга Им Бён Жин тус Холбооны гишүүн нутаг болох БНХАУ-ын Ганьсу мужийн урилгаар 9 сарын 20–21-ний өдрүүдэд Дуньхуан хотноо болсон “Торгоны зам-Олон улсын 8 дахь удаагийн экспо”-ны хүрээд болсон голлох зочид төлөөлөгчдийн уулзалт, хүндэтгэлийн хүлээн авалт, нээлтийн ажиллагаанд оролцлоо.
9 сарын 20-ны өдөр Дуньхуан-Олон улсын зочид буудалд гол зочид төлөөлөгчдийн уулзалт болов. Уулзалтыг БНХАУ-ын Бүх Хятадын Худалдаа Аж Үйлдвэрийн Тэнхимын Байнгын Хорооны Орлогч дарга Тие Нин удирдан явуулж, Доминик улсын Парламентын дарга Жозеф Айзек зочдыг төлөөлж үг хэлэв. Дараагаар нь хүндэтгэлийн хүлээн авалт болов.
Хоёр өдөр үргэлжилсэн экспогийн нээлтийн ажиллагааг Ганьсу мужийн дарга Рэн Жэнхэ хөтөлж, Ганьсу мужийн Намын хорооны нарийн бичгийн дарга, тус мужийн захирагч Ху Чан Шэн, ЮНЕСКО-гийн Орлогч нарийн бичгийн дарга Чюй Син, Тайланд улсын Соёлын яамны дэд сайд Прасоп Няонг, Беларус улсын Соёлын яамны нэгдүгээр орлогч сайд Дмитрий Шулякутин, Доминик улсын парламентын дарга Жозеф Айзек нар үг хэлж, БХАТИХ-ын Байнгын хорооны орлогч дарга Тие Нин нээлтийн илтгэл тавилаа.
Ганьсу мужийн Намын нарийн бичгийн дарга Ху Чаншэн
Нээлтийн үеэр Ху Чаншэн дарга “Дуньхуаны соёлын экспо найм дахь жилдээ амжилттай зохион байгуулагдаж, дэлхийн улс орнуудын соёлын харилцаа, ард түмний найрамдалт ойлголцолд үнэтэй хувь нэмэр оруулсаар ирлээ” хэмээн тэмдэглээд, Ганьсу муж цаашид ч дотоод, гадаад хамтын ажиллагаагаа гүнзгийрүүлж, хамтдаа ирээдүйг бүтээх эрмэлзэлтэй байгаагаа илэрхийллээ.
Нээлтийн ёслолд Хятадын Коммунист намын Төв Хорооны Суртал ухуулгын хэлтсийн орлогч дарга бөгөөд Соёл, аялал жуулчлалын сайд Сун Ели, Бүх Хятадын Ардын Төлөөлөгчдийн Их Хурлын Боловсрол, шинжлэх ухаан, соёл, эрүүл мэндийн хорооны дэд дарга Гу Сяоюй, Хятадын Утга зохиол, урлагийн холбооны Намын бүлгийн гишүүн, дэд дарга бөгөөд Нарийн бичгийн дарга Сюй Юнцзюнь, Хятадын Радио Телевизийн нийгмийн байгууллагуудын холбооны дэд дарга Дун Ган, “Эдийн засгийн өдөр тутмын сонин”-ы ерөнхийлөгч бөгөөд ерөнхий эрхлэгч Жэн Чиндун, “Синьхуа” агентлагийн дэд ерөнхийлөгч Жү Хайли нар оролцлоо.
Үүний дараа оролцогчид “Торгоны замын цэцгийн бороо” хэмээх соёлын тоглолт, Дуньхуаны Могао агуй, Дуньхуаны музей болон бусад аялал жуулчлалын байгууламжуудтай танилцлаа.
Мөн арга хэмжээний хүрээнд Ерөнхий нарийн бичгийн дарга Им Бён Жин Ганьсу мужийн удирдлагууд, ШХАБ-ын дэд ерөнхий нарийн бичгийн дарга, БНХАУ дахь Япон, Малайз, Тайландын дипломат төлөөлөгч нартай уулзаж, NEAR-ын үйл ажиллагааг танилцуулан, цаашдын хамтын ажиллагааны талаар санал солилцлоо. Тэрээр ялангуяа “NEAR+2” санаачилгыг танилцуулж, NEAR Холбоонд элсэхийг санал болголоо.
<Сохаил Хан, Шанхайн хамтын ажиллагааны байгууллагын Дэд нарийн бичгийн дарга>(зүүн)
Ян Гүгжин, БНСУ-ын Гухэн сумын Засаг даргын орлогч / (баруун) Сонода, БНХАУ-д суугаа Японы ЭСЯ-ны зөвлөх
(зүүн) Ван Дэвань, Дуньхуан хотын Дэд нарийн бичгийн дарга / (баруун) “Gansu Daily”-ийн ярилцлага
Анх 2015 онд БНХАУ-ын Төв хороо, Төрийн зөвлөлийн зөвшөөрлөөр эхэлсэн энэхүү экспо нь “Нэг бүс – Нэг зам” санаачилгын хүрээнд зохион байгуулагддаг, олон улсын хэмжээний төрийн түвшний соёлын солилцооны томоохон арга хэмжээ юм.