Зүүн Хойд Азийн Нутгийн Захиргаадын Холбоо (NEAR)-ны Ерөнхий нарийн бичгийн дарга Им Бён Жин нь БНХАУ-ын Шаньси мужийн Анькан хотод болсон “NEAR-ийн уламжлалт эм, анагаах ухааны хорооны хоёрдугаар хурал”-д оролцох үеэр БНХАУ-ын Шиань хотод суугаа БНСУ-ын Ерөнхий консул Хун Сүн Чантай уулзалт хийв.
Ерөнхий нарийн бичгийн дарга Им Бён Жин энэхүү хуралд оролцож, мэндчилгээ дэвшүүлэх урилгыг хүлээн авсанд нь талархал илэрхийлээд NEAR-ийн сүүлийн үеийн үйл ажиллагаа болон энэ онд төлөвлөгдсөн гол арга хэмжээнүүдийг танилцуулсан юм. Мөн Шиань дахь Ерөнхий консулын газрын харьяа тойрог болох Ганьсү муж, Ниншягийн Хотон үндэстний ӨЗО, Шаньси муж нь NEAR-ийн хөгжилд чухал хувь нэмэр оруулж байгааг онцолж, энэ оны 9 сард болох Ниншягийн Аялал жуулчлалын хорооны хурлыг танилцуулан, тус консулын газрын дэмжлэгийг хүсэв.
Хариуд нь Ерөнхий консул Хун Сүн Чан NEAR нь Зүүн хойд Азийн орон нутгийн засаг захиргаадын хоорондын олон талт хамтын ажиллагаанд чухал платформ болж байгааг өндрөөр үнэлж, цаашид NEAR-ийн үйл ажиллагаанд илүү анхаарч, идэвхтэй дэмжиж ажиллахаа илэрхийлэв.
Уг уулзалтад Шиань дахь Ерөнхий консулын газрын ахлах мэргэжилтэн Ан Су Хён болон NEAR-ийн Олон улсын хамтын ажиллагааны хэлтсийн дарга Чой Жу Хва нар мөн оролцлоо.