2023 оны 4 сарын 8-нд БНХАУ-ын Ниншя Хуй Өөртөө Засах Орноос NEAR-ийн Хэрэг эрхлэх газарт томилогдон ирсэн Ли Дун Биний ажиллах хугацаа 2024 оны 4 сарын сарын 8-ны өдөр дуусаж, нутаг буцлаа.

Төлөөлөгч Ли Дун Бин NEAR-ийн Хэрэг эрхлэх газарт нэг жил ажиллах хугацаандаа Хэрэг эрхлэх газрын үүрэгт ажлаа сайн гүйцэтгэж, Ганьсу, Чинхай мужуудыг гишүүнээр элсүүлэх ажилд ихээхэн хувь нэмэр оруулсан. 

Ерөнхий нарийн бичгийн дарга Им Бён Жин NEAR-ийн Хэрэг эрхлэх газарт амжилттай ажилласан Ли Дун Биний хичээл зүтгэлийг өндрөөр үнэлж, дурсгалын зүйл гардуулав.

БНХАУ-ын дараагийн төлөөлөгчөөр Ганьсу мужийн Хоу Руй ажиллахаар шийдвэрлэгдсэн бөгөөд дөрөвдүгээр сарын сүүлээр үүрэгт ажилдаа орох юм.