Ерөнхий нарийн бичгийн дарга Им Бён Жин 1 дүгээр сарын 31-ний лхагва гарагт Пухан хотын дарга Ли Кан Догтой уулзав.  

Ерөнхий нарийн бичгийн дарга Им өнгөрсөн оны NEAR-ийн үйл ажиллагаа болоод энэ онд хэрэгжүүлэх NEAR-ийн үйл ажиллагааны чиглэл, томоохон арга хэмжээний талаар танилцуулж, Пухан хоттой хамтын ажиллагаагаа улам бүр бэхжүүлэх талаар харилцан ярилцав.  

Үүнээс гадна, Ерөнхий нарийн бичгийн дарга Им хэлэхдээ, Пухан хот нь NEAR-ийн Хэрэг эрхлэх газрын байнгын байршил, төсвийг дэмжигч орон нутгийн захиргааны байгууллагын хувьд NEAR-ийн үйл ажиллагаанд оролцох арга замыг (тусгай гишүүний тогтолцоог бий болгох) судлахаас гадна Олон улсын гэрлийн фестиваль, Зүүн хойд Азийн Гүйцэтгэх захирлын эдийн засгийн хамтын ажиллагааны форум зэрэг Пухан хотод зохион байгуулагдах олон улсын арга хэмжээг NEAR-ийн Хэрэг эрхлэх газар идэвхтэй дэмжиж, хамтран ажиллана гэдгээ хэллээ. 

Үүний дагуу Пухан хотын дарга Ли Кан Дог NEAR-ийн үйл ажиллагаа, ялангуяа өнгөрсөн онд шинээр хоёр орон нутаг гишүүнээр элссэн, NEAR-ийн 14 дүгээр Бүгд хурлыг амжилттай зохион байгуулсан зэрэг үйл ажиллагааг өндрөөр үнэлж, NEAR-ийг Зүүн хойд Азийн орон нутгийн засаг захиргаа хоорондын олон талт харилцааны олон улсын байгууллага болгон хөгжүүлэхэд бодитойгоор дэмжин ажиллаж, Пухан хот ч мөн NEAR-ийн үйл ажиллагаанд идэвхтэй оролцоно гэдгээ илэрхийлэв. 

Ерөнхий нарийн бичгийн дарга Им Пухан хотын зөвлөлд зочлон зөвлөлийн дарга Пэг Ин Гютэй уулзалт хийж, өнгөрсөн оны NEAR-ийн үйл ажиллагаа болон энэ оны үйл ажиллагааны чиглэл, томоохон арга хэмжээний талаар танилцуулснаас гадна Пухан хоттой хамтын ажиллагаагаа бэхжүүлэх талаар ярилцав. Мөн түүнчлэн, Пухан хотын зөвлөлөөс NEAR-ийн үйл ажиллагааг идэвхтэй сонирхож, дэмжлэг үзүүлэхийг хүссэн.