БНХАУ-ын Ниншягийн Хотон үндэстний ӨЗО-ны Инчүан хотын захиргааны Гадаад харилцааны мэргэжилтэн И Дун Бин 4 дүгээр сарын 11-ний өдөр Ерөнхий нарийн бичгийн дарга Им Бён Жинээс NEAR-ийн Хэрэг эрхлэх газарт ажиллах захирамжаа гардан авлаа. 

И Дун Бин нь БНХАУ-ын Гуанши багшийн их сургуулийг Солонгос хэлний орчуулагчаар магистр зэрэгтэй дүүргэж, Инчуан хотын захиргааны гадаад харилцааны албанд Солонгос-Хятадын хамтын ажиллагааны асуудал эрхэлсэн мэргэжилтнээр 7 жил ажиллажээ

Цаашид тэрээр NEAR-ийн Хэрэг эрхлэх газрын Олон улс, хамтын ажиллагааны хэлтэст харьяалагдан, БНХАУ-ын гишүүн орон нутгуудтай харилцах асуудлыг хариуцах бөгөөд NEAR холбооны ажлын систем болон олон улсын арга хэмжээнд оролцох арга барилд хурдан суралцаж, NEAR-ийн Хэрэг эрхлэх газар, Хятадын орон нутгуудын хоорондын харилцааг хөгжүүлэхэд хувь нэмрээ оруулж ажиллана гэдгээ илэрхийллээ.