NEAR-ын Хэрэг эрхлэх газар Солонгос оюутнуудад зориулсан 2 дахь удаагийн дадлагын хөтөлбөрийг 8 сарын 18-28-ны өдрүүдэд зохион явуулах болсон бөгөөд 18-ны өдөр тус хөтөлбөрийн нээлт болов.

Энэхүү хөтөлбөрт Солонгосын Хандун их сургуулийн Олон улс, бүс судлалын ангийн оюутан Жу Сон А тэргүүтэй 11 оюутан оролцож буй бөгөөд хөтөлбөрийн агуулга нь 1 дэх удаагийн хөтөлбөрийн агуулгатай адилаар NEAR-ын Хэрэг эрхлэх газрын мэргэжилтнүүдийн лекц сонсох, гадаад төрийн албан хаагчидтай уулзалт хийх зэргээр тус байгууллагын үйл ажиллагаа, үүргийн талаар ойлголттой болж глобал боловсон хүчин болон бэлтгэгдэхэд шаардлагатай мэдлэг, мэдээллийг хуримтлуулах юм.