Япон улсын Тоттори мужийн Юнаго хотноо зохиогдож буй “25 дахь удаагийн Зүүн тэнгисийн эрэг хавийн хотуудын хурал”-д оролцохоор Япон улсыг зорьсон Пухан хотын захирагч И Ган Дог 28-ны өдөр эгч дүүсийн харилцаатай хот болох ОХУ-ын Владивосток хотын захирагч Олег Гуменюктэй уулзан найрсаг харилцаа, эдийн засгийн хамтын ажиллагааны хэтийн төлвийн талаар голчлон ярилцсан тухайгаа мэдээлэв. 2 хотын захирагч уулзалтаараа ирэх 12 дугаар сард эхлүүлэх гэж буй Пухан-Владивостокийн чиглэлд зорчих аялалын усан онгоцны туршилт тээврээр хоёр хотын аялал жуулчлалаас авахуулаад ард иргэдийн харилцааг эхлүүлэх эдийн засаг, соёл урлаг зэрэг олон салбарт харилцаагаа идэвхжүүлэн найрсаг хамтын ажиллагаагаа өргөжүүлэхээр тохиролцов. Түүнчлэн харилцан ойлголцлын санамж бичиг байгуулаад байгаа Пуханы Шинжлэх ухаан, Технологийн их сургууль(POSTECH) болон Алс Дорнодын Холбооны их сургууль, Пухан хотын технологийн парк болон “Русский” технологийн парк зэрэг байгууллагуудын хамтран хийж буй төрөл бүрийн судалгаануудыг өргөжүүлэн хөгжүүлэхэд харилцан туслалцана гэв.